बार्सिलोनालाई कोपा डेल रेको उपाधी

एजेन्सी । बार्सिलोनाले एथलेटिक बिलबाओलाई ४–० को फराकिलो अन्तरले पाखा लगाउदैं कोपा डेल रे उपाधी माथि कब्जा जमाएको छ ।  शनिबार भएको खेलमा बार्सिलोनाले १२ मिनेटको अन्तरमा चार गोल गर्दै एथलेटिक बिलबाओलाई पाखा लगाउन सफल भएको थियो ।

उक्त खेलमा लियोनल मेसीले दुई गोल गरे । खेलको ६० मिनेटसम्म गोलरहित बराबरी रहेपछि बार्सिलोनाका लागि एन्टोन ग्रिजमनले पहिलो गोल गरे । लगत्तै फ्रेन्क डे जङले दोस्रो गोल थपे । त्यसपछि मेसीले लागि दुई गोल गरे ।

क्लबको प्रशिक्षकका रूपमा रोनाल्ड कोम्यान आएयता बार्सिलोनाले जितेको यो पहिलो उपाधि हो । यस्तै यो बार्सिलोनाले सन् २०१९ यता हात पारेको पहिलो उपाधि पनि हो ।