तक्मामा चुच्चे नक्सा नभएपछि भीम रावलको आक्रोस : बालुवाटारमा विदेशी गुप्तचरको मन्त्रणाले त होइन ?

काठमाडौँ । राष्ट्रपति विद्यादेवी भण्डारीले वितरण गरेको विभिन्न मानपदवी तथा पदकको बीच भागमा रहेको नेपालको चुच्चे नक्सा नभएपछि नेकपा एमाले माधव नेपाल पक्षका नेता भीम रावलले प्रश्न गरेका छन् । सामाजिक सञ्जालमा लेख्दै उनले यसबारे प्रधानमन्त्रीले जवाफ दिनुपर्ने माग गरेका हुन् ।

उनले लेखेका छन्, ‘राष्ट्रियताको भावनाकासाथ प्रदान गरिने तक्मामा अंकित नेपालको नक्शामा दार्चुला जिल्लाको लिम्पियाधुरा, लिपुलेक र कालापानी क्षेत्र नराखिनुको आशय के हो रु प्रधानमन्त्रीले तुरुन्त जवाफ दिनुपर्छ । यसो हुनुको कारण कतै वालुवाटारमा प्रमंको विदेशी गुप्तचर समेतका व्यक्तिहरूसँगको मन्त्रणा त होइन ?’

राष्ट्रपति विद्यादेवी भण्डारीले वितरण गरेको विभिन्न मानपदवी तथा पदकको बीच भागमा रहेको नेपालको नक्सामा सुदूरपश्चिम प्रदेशमा रहेको लिपुलेक, लिम्पियाधुरा समेटिएको भूभागसहितको चुच्चे नक्सा गायब भएको छ । यसको सामाजिक सञ्जालदेखि सवत्र्र विरोध भइरहेको छ । 
अब दिइने विभूषणमा नयाँ नक्शा राखिने गृह मन्त्रालयको स्पष्टीकरण दिएको छ ।