पत्रकार महासंघको अध्यक्षमा विपुल पोखरेलको जित सुनिश्चित

काठमाडौं । नेपाल पत्रकार महासंघको अध्यक्ष विपुल पोखरेलको जित निश्चित भएको छ । तर निर्वाचन समितिले औपचारिक घोषणा गर्न बाँकी छ । शनिबार मत गणना सकिएपनि नुवाकोटसहित ५ जिल्लाको मत आउन बाँकी छैन छ ।  पोखरेलले २ हजार १ सयभन्दा बढीको अग्रता लिएका छन् । ५ जिल्लाको नतिजा आउन बाँकी नै भए पनि पोखरेलको जित निश्चित भएको हो । 

निर्वाचन समितिका अनुसार अधिकांश उनकै प्यानलका उम्मेदवार विजयी भएका छन् । आज साँझ ५ बजे औपचारिक घोषणा हुनेछ । नेपाली कांग्रेस निकट प्रेस युनियन नेपाल, नेकपा माओवादी केन्द्र निकट प्रेस संगठन नेपाल र नेकपा एमालेको माधव नेपाल समूह निकट प्रेस चौतारीसहित ११ संगठनको गठबन्धनको तर्फबाट बिपुल पोखरेलले अध्यक्षमा उम्मेदवारी दिएका थिए ।