सिके राउतलाई ३५ दिनभित्र अदालतमा हाजिर हुन जिल्ला अदालतको आग्रह

काठमाडौं। राज्य विरूद्धको संगठित अपराध कसुरमा हाजिर हुन सिके राउतलाई नवलपरासी जिल्ला अदालतले सुचना जारी गरेको छ । रौतहट महादेव गाउँपालिका वडा नम्बर २ घर भई हाल धनुषा जनकपुर उपमहानगर वडा नम्बर ८ डेरा गरी बस्ने राउतलाई ३५ दिनभित्र अदालतमा हाजिर हुन भनिएको हो ।

बाटाका म्यादबाहेक ३५ दिनभित्र आफ्नो सवुद प्रमाण लिई हाजिर हुन आउनसमेत सूचनामा उल्लेख छ।   सिके राउत भन्ने डा. चन्द्रकान्त राउतलाई आज सूचना जारी भएको हो । हाजिर हुन नआएमा कानुनअनुसार हुने भनिएको छ।

राउत जनमत पार्टीका प्रमुख छन्। सिके राउत नेतृत्वको समूह २०७५ फागुन २४ मा सरकारसँग ११ बुँदे सहमति गर्दै मुलधारको राजनीतिमा आएको थियो।