रेशम चौधरीले जेलबाटै यस्तो लेखे– म पार्टीको निर्णयमा बाधक बन्दिनँ

सफल खबर संवाददाता

विहीबार, १२ चैत्र २०७७, १५ : ४९
रेशम चौधरीले जेलबाटै यस्तो लेखे– म पार्टीको निर्णयमा बाधक बन्दिनँ

काठमाडौं । डिल्लीबजार कारागारमा रहेका जसपाका सांसद रेशम चौधरीले आफू पार्टीको निर्णयमा कुनै बाधक नबन्ने बताएका छन् । सरकारमा जाने र नजाने विषयमा पार्टीले लिने निर्णयलाई मान्ने बताए । उनले सरकारको विषयमा आफू बाधक नबन्‍ने बताएका छन्।

केपी ओली नेतृत्वको सरकारमा जाने विषयमा जसपा र एमालेबीच वार्ता चलिरहेका बेला आफू त्यसमा असहमत नरहेको उनको भनाइ छ ।
बिहीबार कारगारबाट विज्ञप्ति निकाल्दै चौधरीले सरकारमा जाने या नजाने विषय पार्टीले टुंग्याउने र पार्टीको निर्णय अवज्ञा गर्नेबारे आफूले कल्पनासम्म नगर्ने बताएका छन् ।

सरकारमा जाने र नजाने विषयमा जसपाभित्र दुई खेमा छ । पूर्व राजपा पक्ष अहिलेको सरकारलाई समर्थन जनाएर जाने पक्षमा छ भने पूर्वसंघीय समाजवादी पार्टी पक्ष त्यसको विरोधमा छ । 

प्रतिक्रिया दिनुहोस