काठमाडौँ । यूरोपमा कोभिडका फरक तथा जटिल खालका विरामीहरू भेटिने क्रम बढिरहेको भन्दै जर्मनीले पनि आगामी महिनासम्म नियन्त्रणका उपायलाई थप कडा पार्ने सुझाव अधिकारीहरूले दिएका छन् ।
विभिन्न क्षेत्रका राज्य सरकार प्रमुखहरूको सुझाबको आधारमा जर्मन चान्सलर एञ्जेला मर्केलले आंशिक लकडाउनलाई केही कडा पार्दै आगामी दुई महिना नियन्त्रणका उपायहरूलाई लागु गर्ने अनुमान अधिकारीहरूले गरेका हुन् ।
जर्मनीले गत फेब्रुअरीमा लामो समयदेखि बन्द विद्यालयलाई खुलाउने घोषणा गर्दै क्रमशः अन्य क्षेत्रलाई पनि क्रमशः सामान्य अवस्थामा फर्किने व्यवस्था गरेको थियो । जर्मनीमा तेस्रो लहरको सङ्क्रमण फैलिएपछि उद्योग तथा व्यवसायलाई बन्द गर्ने तयारी गरिरहेको अधिकारीहरूले शनिबार र आइतबार गरेका छलफलका क्रममा बुझिएको हो ।
यद्यपि मर्केलले यस बिषयमा अन्तिम निर्णय लिनुपूर्व सोमबार क्षेत्रीय सरकार प्रमुखहरूसँग भेट गर्ने बताउनुभएको छ । आइतबार सार्वजनिक तथ्याङकमा विगत सात दिनमा जर्मनीमा प्रति एक लाख जनसङ्ख्यामा १०३ व्यक्ति सङ्क्रमित दर भेटिएको बताइएको छ ।
यसैबीच यूरोपका अन्य दुई मुलुक फ्रान्स र पोल्याण्डमा पनि फेरि आंशिक रुपमा लकडाउन लागु भएको छ । कोरोना भाइरसको संक्रमण पुनः बढ्न थालेपछि आंशिक लकडाउन लागु गरिएको हो ।
राजधानी पेरिससहित फ्रान्सका १६ स्थानमा महामारीको तेस्रो लहरको जोखिम बढ्दै गएपछि आंशिक लकडाउन लागु भएको हो । यसबाट दुई करोड १० लाख मानिस प्रभावित भएका छन् । पोल्याण्डमा पसल, होटल तथा खेलकुद र साँस्कृतिक गतिविधि सञ्चालन हुने केन्द्रहरु प्रभावित भएका छन् । तीन हप्तासम्म पोल्याण्डभर लकडाउन लागु हुनेछ ।
प्रतिक्रिया दिनुहोस
एजेन्सी
आइतबार, ०८ चैत्र २०७७, २१ : ०१
लेखकबाट थप
सम्बन्धित समाचारहरु
जर्मनी युरोकपको क्वाटरफाइनलमा
राष्ट्रपति पौडेलद्वारा जर्मनीमा पूर्वी बर्लिन क्षेत्रको अवलोकन
राष्ट्रपति पौडेल र जर्मनीका राष्ट्रपति स्टाइनमायरबीच भेटवार्ता
जर्मनीमा आपराधिक गतिविधि बढे, सन् २०१६ यताकै उच्च
जापानलाई उछिन्दै जर्मनी बन्यो विश्वको तेस्रो ठूलो अर्थतन्त्र
जर्मनीमा हप्ताको चार दिन मात्रै काम गर्ने प्रावधान सुरु