ओलीमाथि भट्टराईको टिप्पणी : नेपाली हिटलरको उदय

काठमाडौं । एमाले अध्यक्ष समेत रहेका प्रधानमन्त्री केपी ओलीले पार्टीभित्रकै आफ्ना विरोधीहरुलाई ठेगान लगाउने गरी केन्द्रीय कमिटी तथा मातहतका कमिटीमा सदस्यहरूको बिदाइ, मनोनयन तथा कारबाही, निर्वाचन आयोग र अन्य आधिकारिक निकायमा पत्राचार गर्ने लगायतका सवै अधिकार आफ्नो हातमा लिएपछि त्यसवारेमा विभिन्न खाले टिप्पणी हुन थालेको छ ।

अधिकार जति सबै आफैमा केन्द्रीत गरेर पार्टीमा एकाधिकार कायम गर्ने ओलीको यो शैलीलाई लिएर पूर्व प्रधानमन्त्री डा बाबुराम भट्टराईले कडा टिप्पणी गरेका छन् । ओलीको यो शैलाीलाई लिएर डा भट्टराईले नेपाली हिटलरको उदय भएको टिप्पणी गरेका छन् ।

आइतबार बिहानै समाजिक सन्जल ट्वीटरमा ट्वीट गर्दै जनता समाजवादी पार्टीका संघीय परिषद अध्यक्ष समेत रहेका भट्टराईले भनेका छन्, ‘नेपाली हिट्लरको उदय त्यसरी नै भइरहेको छ । उसले पार्टी, राज्यको शक्ति आफूमा केन्द्रित गरेर सबैमाथि खड्ग चलाउँदैछ । होशियार।’ यद्यपि उनले ओलीको नाम लिएका छैनन ्।

भट्टराईको ट्वीट जस्ताको तस्तै :
हिट्लरबारे चर्चित भनाइ छ, ‘पहिले उनीहरू यहुदीविरूद्ध जाइलागे, म बोलिन किनकि म यहुदी थिइन। अन्त्यमा उनीहरू मबिरूद्ध आइलागे, कोही पनि बोलेन किनकि कोही पनि बाँकी थिएन।’ नेपाली हिट्लरको उदय त्यसरी नै भैरहेछ। उसले पार्टी, राज्यको शक्ति आफूमा केन्द्रित गरेर सबैमाथि खड्ग चलाउककदैछ। होशियार !