एमाले संसदीय दलको बैठकमा बामदेव सहभागी

काठमाडौं । नेकपा एमालेका उपाध्यक्ष बामदेव गौतम एमाले संसदीय दलको बैठकमा सहभागी भएका छन् । सर्वोच्च अदालतबाट एमाले र माओवादी केन्द्र ब्युँताउने फैसला आउनु ऐतिहासिक भएको उनको भनाइ छ ।  

एमाले संसदीय दलको बैठकमा सहभागी हुँदै गौतमले भने, ‘ऋषिराम कट्टेलको माग दाबी मात्रै फैसला भएको भए नेकपा न विभाजन न एकता दुबै हुन सक्ने अवस्था थिएन ।’

अदालतको फैसलाले एमाले र माओवादी ब्युँताइदिएर ऐतिहासिक फैसला गरेको उनको भनाइ छ । गौतमले अदालतको २३ फागुनको फैसलालाई खुसी भएर स्वागत गरेको बताए ।

उनले संसद पुनर्स्थापना गर्ने सर्वोच्चको फैसलापछि खुसीले नमात्तिएको र निराश पनि नभएको बताए । ‘मैले राजीनामा दिनुहोस् भने उहाँले दिनु भएन, तर पार्टी एक बनाउँछु भन्दा खुसी भएर अंकमाल गरेर फर्किएँ,’ गौतमले भने ।