एमालेमा गएका नेताहरुलाई फर्काउन माओवादीले बनायो कार्यदल

काठमाडौं । नेकपा माओवादी केन्द्रले एमालेमा गएका नेताहरुलाई पार्टीमा फर्काउन कार्यदल बनाएको छ ।

मंगलबार बसेको संसदीय दलको बैठकले तीन सदस्यीय बनेको कार्यदल निर्मँण गरेको हो । कार्यदलमा नेताहरु नारायणकाजी श्रेष्ठ, देव गुरुङ र वर्षमान पुन रहेका छन् ।  माओवादी केन्द्रले सरकारमा रहेका माओवादी मन्त्रीहरुलाई फिर्ता हुनका लागि यसअघि नै पत्र पठाइसकेको छ ।

एमालेमा गएका तत्कालीन माओवादी केन्द्रका नेताहरुले आफ्नो सांसद पद वा मन्त्री पद गुम पनि पुनः माओवादीमा नफर्कने जनाएका छन् । केन्द्रले एमालेको केन्द्रीय कमिटीमा गएका नेताहरुलाई चौबीसघण्टे अल्टिमेटम पनि दिएको थियो । तथापि तत्कालीन समयका माओवादी नेताहरुहरुले एमालेमा आफ्नो जिम्मेवारी पाइसकेका छन् । जुनसुकै हालतमा केपी शर्मा ओलीको साथमा लाग्ने उनीहरुको भनाइ छ ।  

एमालेमा गएकालाई फर्काउने प्रयास जारी राख्ने माओवादी केन्द्रको भनाइ छ ।