एमाले पुनःस्थापना भएसँगै साविक गुट सक्रिय

काठमाडौं । नेपाल कम्युनिस्ट पार्टी (नेकपा) एमाले पुनःस्थापना भएसँगै पार्टीभित्र साविकका गुट पुनः सक्रिय हुन थालेका छन् । एमाले वरिष्ठ नेताद्वय झलनाथ खनाल र माधवकुमार नेपालले पछिल्लो परिस्थिति र आगामी रणनीतिबारे आफूनिकट केन्द्रीय सदस्यहरुसँग छलफल गर्दै छन् ।

उता प्रधानमन्त्री केपी शर्मा ओली रामबहादुर थापा बादललाई उपाध्यक्ष बनाउन खोज्दैछन् । नेपाल कम्युनिस्ट पार्टीको नाम विवादमा सर्वोच्च अदालतको फैसलासँगै एमाले र माओवादी केन्द्र पूर्ववत् अवस्थामा फर्किएका छन् । एमालेमा माधव झलनाथ समूह र ओली समूहबीच तिक्तता बढ्न थालिसकेको छ । ओली आफू ढंगले चलिरहेका छन् भने माधव झलनाथ पनि आफ्नो ढंगले भेला बोलाइरहेका छन् । 

प्रधानमन्त्री तथा एमाले अध्यक्ष केपी शर्मा ओलीले बालुवाटारमा आफ्नो गुटका नेताहरुसँग छलफल गर्दै आएका छन् । पूर्वएमालेमा ओली र नेपाल गुट सक्रिय थियो । एमाले पुनःस्थापना भएपछि पार्टीको बैठक बसेको छैन । गुटगत भेला भने हुन थालेका छन् ।