एमालेले बादललाई उपाध्यक्षमा मनोनित गर्ने तयारी

काठमाडौं । नेकपा एमालेले उपाध्यक्षमा रामबहादुर थापा ‘बादल’ लाई मनोनित गर्ने तयारी गरेको छ ।  यस्तै एमालेले लेखराज भट्टलाई सुदूरपश्चिम इन्चार्जमा मनोनित गर्ने तयारी गरेको छ ।  

थापा र भट्ट दुवै माओवादी केन्द्रबाट निर्वाचित सांसदको हैसियतमा ओली सरकारमा सहभागी भएका छन् । सर्वोच्च अदालतले नेकपा खारेज गरेर साविकको एमाले र माओवादी केन्द्र ब्युँताए पनि बादल र भट्ट माओवादीमा फर्किएका छैनन् ।

नेकपाको प्रचण्ड समूहमा रहेका माधव नेपाललगायतका पूर्वएमाले आफ्नै घर फर्किए पनि बादल, भट्टलगायतका पूर्व माओवादी नेताहरु आफ्नो घरमा फर्केका छैनन् ।