चितवन । किसानलाई ५० प्रतिशत अनुदानमा मकै छोडाउने मेसिन र सुकाउने त्रिपाल प्रदान गरिएको छ । कृषि ज्ञान केन्द्र चितवनले १७ वटा कृषि फार्म, समूह तथा सहकारीलगायतका सङ्घसंस्थामा आवद्ध किसानलाई ती सामान हस्तानान्तरण गरेको हो ।
कार्यक्रममा चितवनका प्रमुख जिल्ला अधिकारी प्रेमलाल लामिछाने, कृषि ज्ञान केन्द्र चितवनका प्रमुख राजन ढकाललगायतले किसान तथा कृषक समूहलाई सामान हस्तानान्तरण गरे ।
कृषि ज्ञान केन्द्र प्रमुख ढकालले मकै छोडाउने दुई ठूला मेसिन (ट्र्याक्टर अपरेटर), सातवटा सानो मेसिन (इलेक्ट्रिक मोटर अपरेटर) र ५०० थान त्रिपाल वितरण गरिएको जानकारी दिए ।
पचास प्रतिशत कार्यालय र ५० प्रतिशत किसानको लगानीमा ती सामान खरिद गरिएको ढकालले बताए । मकै उत्पादन प्रवद्र्धन कार्यक्रम चितवनको भरतपुर महानगरपालिका, खैरहनी नगरपालिका, रत्ननगर नगरपालिका र माडी नगरपालिकामा लागू गरिएको प्रमुख ढकालले जानकारी दिए ।
प्रतिक्रिया दिनुहोस
सफल खबर संवाददाता
बुधबार, २६ फागुन २०७७, १२ : ३०
लेखकबाट थप
सम्बन्धित समाचारहरु
महाशिला गाउँपालिकाले दियो उच्च शिक्षा पढ्ने विद्यार्थीलाई अनुदान
दश हजार किसानलाई दूधमा अनुदान दिँदै भरतपुर महानगरपालिका
नेपाली इन्जिनियरिङ कलेजका विद्यार्थीलाई १५ लाख बढीकाे अन्तर्राष्ट्रिय अनुसन्धान अनुदान
उखु किसानले अनुदानबापतको २९ करोड पाएनन्
विश्व बैंकले दिने सय मिलियन डलर ऋण स्विकार्ने सरकारको निर्णय
किसानलाई पाडापाडी हुर्काउन १६ लाख र दूधमा ३६ लाख अनुदान