४ सन्तानसहित दैलेखका एक महिला कर्णालीमा हाम फालिन्, २ छोरीको शव फेला

सफल खबर संवाददाता

मंगलबार, २५ फागुन २०७७, ०८ : ४४
४ सन्तानसहित दैलेखका एक महिला कर्णालीमा हाम फालिन्, २ छोरीको शव फेला

काठमाडौँ ।  दैलेखकी एक महिलाले आफ्ना चार सन्तानसहित कर्णाली नदीमा हाम फालेकी छन् । जिल्लाको आठबिस नगरपालिका–३ निमाइलकी ३५ वर्षीया सुकी बडुवालले ४ छोराछोरीसहित कर्णाली नदीमा हाम फालेकी हुन् ।

विश्वभर सोमबार अन्तर्राष्ट्रिय श्रमिक महिला दिवस मनाइरहँदा नदीमा हाम फालेका पाँचजना मध्ये दुईजना (छोरी) को शव अछाममा फेला परेको छ । १४ वर्षीया कल्पना र १२ वर्षीया सरिता बडुवालको शव अछामको पञ्चदेवल विनायक नगरपालिका–४ स्थित कर्णाली नदीमा माछा मार्न प्रयोग गरिने डोरीमा बेरिएको अवस्थामा भेटिएको प्रहरीले जनाएको छ ।

आमा सुकीसहित १० वर्षीय छोरा ललित र पाँच वर्षीया छोरी रजनीको खोजी भइरहेको प्रहरीले जनाएको छ । सुकीका श्रीमान मानसिंह बडुवाललाई प्रहरीले नियन्त्रणमा लिएको छ। 

प्रतिक्रिया दिनुहोस