ओली समुहको संसदीय दलको बैठक बालुवाटारमा बस्दै

सफल खबर संवाददाता

शनिबार, २२ फागुन २०७७, १५ : ०५
ओली समुहको संसदीय दलको बैठक बालुवाटारमा बस्दै

काठमाडौं । प्रधानमन्त्री केपी शर्मा ओली नेतृत्वको सत्तारुढ नेकपाको संसदीय दलको बैठक बस्दै छ । प्रधानमन्त्रीको सरकारी निवास बालुवाटारमा दिउँसो तीन बजे बैठक बस्ने लागेको ओली नेतृत्वको नेकपा संसदीय दलका प्रमुख सचेतक विशाल भट्टराईले जानकारी दिए । 

Yeti Diistillery Tansen Cement box

यसअघि  बैठक संसद भवनको ल्होत्से हलमा  भनिएपनि अन्तिम समयमा आएर बालुवाटारमै बैठक राखिएको उनको भनाइ छ । प्रचण्ड–नेपाल पक्षका सांसदलाई बैठकमा आउन जानकारी गराइएको उनले बताए । प्रचण्ड–माधव पक्षले भने शुक्रबारै बैठक बसेर दलको नेता प्रचण्डलाई चयन गरेको छ ।

भट्टराईका अनुसार भोलिदेखि शुरु हुने संसद अधिवेशनमा पार्टीको रणनीति र सांसदहरूको भूमिकाबारे छलफल हुने छ । शुक्रबार मात्र नेकपा प्रचण्ड–नेपाल पक्षको संसदीय दलको बैठक बसेको थियो । उक्त पक्षले पुष्पकमल दाहाल प्रचण्डलाई दलको नेता चयन गरेको छ ।

यस्तै ओली विरुद्ध संसदमा अविश्वासको प्रस्ताव ल्याउने प्रचण्ड–नेपाल पक्षको तयारी छ ।