एउटा त्यो ‘फोटो’ जसले गृहमन्त्रीका स्वकिय अधिकृतको जागिर गयो..

सफल खबर संवाददाता

सोमबार, १७ फागुन २०७७, ०७ : ४३
एउटा त्यो ‘फोटो’ जसले गृहमन्त्रीका स्वकिय अधिकृतको जागिर गयो..

काठमाडौं । गृहमन्त्री रामबहादुर थापा (बादल) एक्लिने र उनकै सहकर्मीले साथ छोडने क्रम रोकिएको छैन् । आफ्नै समुहका तीन दर्जन केन्द्रीय नेताले चटक्कै साथ छोडिरहदा तीन वर्ष अनवरत गृह मन्त्रालयमा राजनीतिक सल्लाहकार भएर काम गरेका सूर्य सुवेदी (पथिक) ले पनि बादलको साथ छोडिदिए ।

बादलको राजनीतिक लाइन अग्रगमनको भन्दा ओलीको मतियार र प्रतिगमनतिर देखिन थालेपछि पथिकले उनको साथ छोडिदिएका थिए । तर अहिले उनलाई आफ्नै सचिवालयका अर्का चल्तीफूर्तिका युवा नेता तथा बादलका स्वकिय सचिव विरु तामाङले पनि साथ छोडिदिएका छन् । राजनीतिक रुपमा बादलको लाइन छोडिदिएपनि तामाङलाई बादल आफैले सचिवालयबाट हटाएका छन् । केही समयसम्म सेनाबिनाका सेनापति बनिरहेका गृहमन्त्री बादललाई तामाङले केही युवा जमघट गराईदिएर केही मेरा पछि पनि छन है भनेर आँट दिएका थिए ।

तामाङले पूर्व माओवादी धारका कतिपय युवालाई आफुतिर तान्दै गृहमन्त्री बादललाई भेटाउने, बादलसँगै ओली समुहतिर लाग्ने वातावरण उनले बनाएका थिए । पूर्व वाइसिएलका सुवित ढुंगाना देखि कतिपय युवालाई उनले नै ओली समुहतिर ढल्काएका थिए । आफ्नो नेतृत्वमा ९९ सदस्यीय वाइसिएल पूर्नगठन गरेर ओली समुहको युवा संगठनसँग उनले एकता चाहेका थिए ।

तर उनको योजनामा बादलले साथ दिएनन । ओलीले गृहमन्त्री थापालाई आफ्नो समुहमा आएर गुटबन्दी नगर्न चेतावनी दिएपछि बादल गुटै नचलाउने गरी ओली समुहमा लागेका थिए । त्यसपछि बादलले तामाङको मुद्दामा साथ दिएनन् । त्यसपछि भने उनले बादलबाट अब राजनीतिक संरक्षण प्राप्त नहुने भन्दै फेरि पूरानै घर खोजी गरे ।

अर्थात उनले आफैले भक्तपुरमा सञ्चालन गरिरहेका रिसोर्टमा आफ्नै विगतका संरक्षक वर्षमान पुन (अनन्त) र ओनसरी घर्तीलाई निम्तो पठाएर भेटघाट गरे । सुवित सहितलाई राखेर उनले अनन्त र अनेसरीसँग राजनीतिक गफगाफ गरे । राजनीतिमा अब पूरानै घर फर्किने निर्णय लिए । पूरानै घर फर्किएपनि उनले बादलको सचिवालयबाट भने राजीनामा दिने सोच बनाएका थिएनन् । तर सुवितले फेसबुकमा एउटा यस्तो फोटो सार्वजनिक गरे, जसले उनको स्वकिय सचिवको पद धरापमा पार्यो । अनि बादलले हिजो उनलाई आफनो सचिवालयबाट हटाईदिए ।

सुवितले ११ फागुनमा आफ्नो सामाजिक सन्जाल फेसबुकमार्फत एउटा फोटो राख्दै जहिले पनि विधि, पद्दती र विचार भन्दा माथी ब्यक्ति ठूलो होइन भन्दै आएकै हो, र यसैलाई आत्मसाथ गर्दै हिडियो र आगामी दिनमा पनि हिडिने नै छ । आदरणीय दाई वर्षमान पुन (अनन्त) दाईसँगको सतमार्गले फेरि नयाँ ढंगले सोच विचार गरियो । यहाँ सम्म साथ सहयोग गर्नुहुने सम्पूर्णमा हार्दिक आभार भनेर लेखे ।
फोटोमा अनन्त, उनका पत्नी तथा पूर्व सभामुख ओनसरी घर्ती, सुवित, विरु सहित छन् ।

हेर्नुहोस फोटो :

प्रतिक्रिया दिनुहोस