केपी ओलीसंगको सहकार्य अहिले सोच्न सकिदैन : प्रचण्डको जवाफ

काठमाडौँ । नेपाल कम्युनिष्ट पार्टी (नेकपा) का दाहाल–नेपाल समूहका अध्यक्ष प्रचण्ड र उपाध्यक्ष बामदेव गौतमबीच भेटवार्ता भएको छ । दाहाल निवास खुमलटारमा आज बिहान दुवैजना बिच भेटवार्ता भएको हो ।

सर्वोच्च अदालतले प्रतिनिधसभा विघटनको निर्णय बदर गरेसँगै प्रधानमन्त्री केपी शर्मा ओलीलाई राजीनामा दिन तथा दाहाल–नेपाल समूहलाई संयुक्त रुपमा सचिवालय बैठक डाक्न आग्रह गरेका नेता गौतम बिहान खुमलटार छलफल गरेका हुन् । 

खुमलटार श्रोतका अनुसार भेटमा गौतमले प्रचण्डलाई पार्टी एकताको विकल्प नरहेकाले आफू एकताको पक्षमा उभिएको र अहिले सो जिम्मेवारी सबै लाग्नुपर्नेम जोड दिएका थिए । जवाफमा प्रचण्डले आफू जहिले पनि पार्टी एकताकै पक्षमा रहेको र पार्टी विभाजित नभएपनि तर अहिले कै अवस्थामा केपी  ओलीसँग सहकार्य गर्ने कुरा सोच्न पनि नसक्ने बताएको श्रोतको दाबी छ ।

उनले ओलीले आत्मालोचना गरि राजीनामा दिनु पर्ने र सो कार्य पार्टी एकताका लागि हितकर हुनसक्ने धारणा राखेका थिए ।   सर्वोच्चको फैसलासँगै नयाँ सत्ता समीकरणको चर्चा शुरू भएका छन् । तर, अहिलेसम्म कुनै पनि पक्षमा नखुलेका गौतमले पार्टी एक ढिक्का बनाउने बताउँदै आएका छन् ।