काठमाडौं । संसद पुनःस्थापना पछि बुधबार खुलेको सेयर कारोबारमा प्राविधिक समस्या देखिएको छ । कारोबार खुलेसँगै बढ्न शुरु भएको बजारमा कारोबार गर्न समेत नसकिएको लगानीकर्ताहरुले गुनासो गरेका छन् ।
कारोबार खुलेको पहिलो मिनेटमा नै नेप्से परिसूचक बढेर १७ अंकले बढेको देखाएको थियो ।संसद पुनःस्थापना भएसँगै सेयर बजारमा उत्साह देखिने लगानीकर्ताहरुको अनुमान थियो । मंगलबार तीव्र उतारचढावपछि २१ अंकले घटेको बजारलाई लगानीकर्ताहरुले राजनीतिक कारणले मनोवल घटेको प्रतिक्रिया दिएका थिए । तर, अनपेक्षित तरिकाले नेप्सेको वेवसाइटमै समस्या देखाएर बजार घटाउन थालिएको लगानीकर्ताहरुको आशंका छ ।
एक र दुई मिनेटकै फरकमा यस्तो घट्नु शंकास्पद भएको सेयर बजारका सक्रिय लगानीकर्ता प्रविण श्रेष्ठ बताउछन् । यहाँ चलखेल भएका हुनसक्ने उनको आशंका छ ।
अर्को तर्फ नेफा इन्फ्रास्ट्रक्चर बैंकको सेयर मूल्य एक सय प्रतिशतले घटाएको टिएमएसमा देखाएको छ । जबकी एकैदिन कुनै पनि कम्पनीको सेयर मूल्य एकैदिन १० प्रतिशत भन्दा धेरैले घट्न वा बढ्न सक्दैन । अर्को चन्द्रागिरी हिल्सको सेयर मूल्य पनि शंकास्पद तरिकाले घटेको नेपाल इन्भेष्टर्स फोरमका अध्यक्ष छोटेलाल रौनियारले बताए ।
किन्नेहरुको ठूलो भीड देखिया पनि चन्द्रागिरीको मूल्य १५ रुपैयाँले घटेको देखिएको भन्दै शंका गर्ने ठाउँ प्रसस्तै रहेको उनले बताए । अन्य समस्याहरु पनि धेरै देखिएको भन्दै उनले यस विषयमा नेपाल धितोपत्र बोर्डका अध्यक्षसँग आफूले तत्कालै गुनासो राख्ने बताए । सेयर कारोबारमा समस्या देखिएकाले आफूले किनबेच नै गर्न नपाएको उनको भनाइ छ ।
प्रतिक्रिया दिनुहोस
सफल खबर संवाददाता
बुधबार, १२ फागुन २०७७, ११ : ५२
लेखकबाट थप
सम्बन्धित समाचारहरु
प्रि ओपन सेसनमा नेप्से सूचक घट्यो
प्रि ओपन सेसनमा नेप्से सूचक ८.३८ अंकले बढ्यो
नेप्से सूचक २२.७५ अंकले बढ्यो
प्रि ओपन सेसनमा नेप्से सूचक करिब बढ्यो
नेप्सेमा दोहोरो अंकको गिरावट, तर बढ्यो कारोबार
प्रि–ओपन सेसनमा साढे १ अंकले बढ्यो नेप्से