प्रधानमन्त्री ओलीलाई प्रचण्डको सुझाव : ‘अलिकति लाज छ भने राजिनामा दिनुस, नभए कुडाकर्कटमा मिल्किनुहुन्छ’

काठमाडौं । नेकपा प्रचण्ड माधव समुहका अध्यक्ष प्रचण्डले सर्वोच्च अदालतले प्रतिनिधी सभा पुर्नस्थापना गर्ने आदेश गरेसंगै प्रधानमन्त्री केपी ओलीलाई अब अलिकति लाज भए राजिनामा दिन आग्रंह गरेका छन् । 

भोली चितवनमा हुने कार्यक्रमलाई लक्षित गरेर चितवनको भरतपुरमा रहेका उनले अब राजिनामा नदिए ओली कुडाकर्कटमा मिल्किने उल्लेख गरेका छन् । उनले  केपी ओलीको भुलभुलैवामा भुलेर गएकाहरुलाई पार्टीमा फर्किन समेत आग्रह गरेका छन् ।

ओलीसँग गएका सांसदलाई आफूहरूले नेतृत्व गरेको नेकपामा  स्वागत गर्न आफु तयार रहेको भन्दै फर्किन सबै समक्ष अपिल समेत गरेका छन् । उनले सम्बोधनको क्रममा भने–‘केपी ओलीको भ्रम थियो, अब सबै भ्रममुक्त हुनुस, र सबै काममा फकिनुस ।’

उनले अब हुने विरोध जुलुसलाई विजय जुलुसमा परिवर्तन गरेर मनाउन सबै नेता, कार्यकर्ता समक्ष आग्रह समेत गरेका छन्