बार्सिलोनालाई पछि पार्दै सेभिया स्पेनिस ला लिगा फुटबलको तेस्रो स्थानमा

काठमाडौं । बार्सिलोनालाई पछि पार्दै सेभिया स्पेनिस ला लिगा फुटबलको अंक तालिकामा  तेस्रो स्थानमा उक्लिएको छ। सोमबार राति भएको खेलमा ओसासुनालाई २–० गोले पराजित गरेसँगै सेभिया अंक तालिकाको तेस्रो स्थानमा उक्लिएको हो । 

ओसासुनाको मैदानमा सेभियाको जितमा डिएगो कार्लोस र लुक डि योङले गोल गरे। पहिलो हाफसम्म एक गोलको अग्रता बनाएको सेभियाले दोस्रो हाफमा थप एक गोल गर्दै जित निकालेको हो। खेलको १९ औं मिनेटमा कार्लोसले गोल गर्दै सेभियालाई अग्रता दिलाए। खेलको ४९ औं मिनेटमा लुक डि योङले गोल गर्दै सेभियालाई २–० को जित दिलाए।

सेभियाले जारी स्पेनिस ला लिगामा लगातार छैटौं जित निकालेको छ। जनावरी १३ मा एथ्लेटिको मड्रिडसँग उसैको मैदानमा २–० ले हारेयता सेभियाले सबै खेल जितेको छ।