साँझ छोरीको हत्या, राति घरमा आगजनी

पत्रपत्रिकाबाट

सोमबार, २६ माघ २०७७, ०८ : ४८
साँझ छोरीको हत्या, राति घरमा आगजनी

काठमाडौं । माइती आएकी छोरीको गोली हानेर हतया गरेका बैतडीको पुर्चौडी नगरपालिका १० का धनसिंह महराले आफ्नै घरमा आगो लगाएका छन् । महराले शनिबार साँझ ४ बजेतिर २० वर्षीया छोरी बेलमतीको गोली प्रहार गरी हत्या गरेका थिए । 

छोरीको हत्यापछि बन्दुकसहित जंगलतिर भागेका महरा अझै फेला परेका छैनन् । घटनास्थलमा खटिएका प्रहरी निरीक्षक हरिशरण भट्टले खोजी भइरहेपनि महरा फेला पर्न नसकेको बताए । हतियारसहित भागेका महराले राति आएर आफ्नै पुरानो घरमा आजगनीसमेत गरेको प्रहरीले जनाएको छ । 

प्रहरीका अनुसार महराको दुई श्रीमती रहेको र उनीहरुसँग उनको विवाद भइरहन्थ्यो । सोही विवादबारे छोरीले सम्झाउँदा उनले आवेगमा आएर गोली हानेको कान्तिपुर दैनिकमा खबर छापिएको छ ।