प्रचण्ड-माधव समूहको हड्ताल : कलंकीबाट अष्टलक्ष्मी शाक्य पक्राउ

काठमाडौँ । प्रतिनिधि सभा विघटन गरेर प्रतिगामी कदम चालेको सरकारले सम्वैधानिक निकायमा थप असम्वैधानिक ढंगले निरंकुशता, जोरजर्वजस्ती र निर्लज्जतापूर्ण ढंगले गरेको नियुक्तिका विरोधमा नेकपाको प्रचण्ड माधव समुहले आयोजना गरेको आमहडतालको क्रममा स्थायी समिति सदस्य अष्टलक्ष्मी शाक्य पक्राउ परेकी छिन् ।

प्रचण्ड–माधव समुहले नेतृ शाक्यलाई कलंकी क्षेत्रको कमान्डर तोकेको थियो । प्रहरीले कलंकी क्षेत्रबाट ८ जनालाई पक्राउ गरिएको जानकारी दिएको छ ।

प्रहरी प्रधान कार्यालयका अनुसार बुधबार बिहान २ बजेदेखि नै उपत्यकामा सादा पोशाकका प्रहरी टोली निगरानीका लागि खटाइनेछ । आन्दोलन हिंसात्मक हुनखोजे परिचालनका लागि तत्काल नयाँ रणनीति अख्तियार गरिनेछ । ब्याकअपका लागि छुट्टै टोली समेत तयारी अवस्थामा रहने भनिएको छ ।