प्रधानमन्त्री ओलीले राजनीतिको धुरीमा आगो लगाए : घनश्याम भुसाल

सफल खबर संवाददाता

शुक्रबार, ०९ माघ २०७७, १४ : ५५
प्रधानमन्त्री ओलीले राजनीतिको धुरीमा आगो लगाए : घनश्याम भुसाल

काठमाडौँ । नेपाल कम्युनिष्ट पार्टी (नेकपा) का केन्द्रीय नेता एवं पूर्वमन्त्री घनश्याम भुसालले प्रधानमन्त्री केपी शर्मा ओलीले राजनीतिको धुरीमा आगो लगाएको बताएका छन् । 

संसद विघटन गर्ने प्रधानमन्त्री ओलीको कदमविरुद्ध नेपाल कम्युनिष्ट पार्टी (नेकपा) माधव–प्रचण्ड समूहले शुक्रबार काठमाडौँमा आयोजना गरेको बृहत विरोध सभालाई सम्बोधन गर्दै उनले यस्तो बताएका हुन् ।

‘प्रधानमन्त्री ओलीले राष्ट्रिय राजनीतिको धुरीमा आगो लगाउनु भयो’ नेता भुसालले भने, ‘बहुमत हुँदाहुँदै संसद विघटन गर्नु भनेको राष्ट्रिय राजनीतिमा आगो लगाउनु नै हो । अब आन्दोलनको बलमा केपी ओलीलाई घुँडा टेकाउनु पर्छ ।’ साइबर सेना र सेटिङको भरमा प्रधानमन्त्री ओली सफल नहुने उनको भनाइ थियो ।

प्रतिक्रिया दिनुहोस