काठमाडौं । मलेसियाको क्वालालाम्पुरबाट शनिबार एउटै जहाजबाट १७ वटा शव नेपाल ल्याइने भएको छ । नेपाल वायुसेवा निगमले यस प्रयोजनका लागि वाइडबडी जहाज ए३३० क्वालालाम्पुर पठाउँदैछ ।
यसअघि यो रुटमा न्यारोबडी जहाजबाट नियमित उडान भइरहेको थियो । मलेसियाबाट सानो जहाजमा यात्रुसहित उडान गर्दा यात्रुकै ब्यागेजले कार्गो भरिँदा नेपाल ल्याउनु पर्ने शवहरु उतै अड्किएका थिए ।
नेपाल एयरलाइन्सले आफ्नो कर्पोरेट सामाजिक उत्तरदायित्व कार्यक्रमअन्तर्गत वैदेशिक रोजगारीका सिलसिलामा मलेसिया पुगी ज्यान गुमाएका नेपालीहरुको शव ल्याउन लागेको नेपाल एयरलाइन्सकी प्रवक्ता करिश्मा श्रेष्ठले बताइन् ।
‘मलेसियामा अड्किएका शव नेपाल ल्याउनकै लागि हामी वाइडबडी जहाज पठाउँदैछौं,’ उनले भनिन्, ‘राष्ट्रिय ध्वजाबाहक वायुसेवाका रुपमा यो हामीले गर्ने समाजसेवाको एक अंशका रुपमा लिएका छौं ।’
मलेसियाबाट नेपाल आउने क्रममा जहाजमा २५० हाराहारी यात्रु समेत सोही जहाजमा फर्कनेछन् । जहाज आज राती ११ बजे क्वालालाम्पुर उड्ने कार्यक्रम छ ।
जहाज शनिबार बिहान ८ः४० बजे त्रिभुवन विमानस्थलमा अवतरण गर्ने कार्यक्रम रहेको छ । काठमाडौंबाट क्वालालाम्पुर जाने क्रममा भने १२ जना यात्रु मात्र रहनेछन् । विदेशमा समस्यामा परेका नेपाली होस वा ज्यान गुमाएका नेपालीहरुको शव ल्याउने क्रममा ध्वजबाहक कम्पनीका रुपमा नेपाल एयरलाइन्सले उडान गर्दै आएको छ ।
प्रतिक्रिया दिनुहोस
एजेन्सी
शुक्रबार, ०९ माघ २०७७, १३ : ४०
लेखकबाट थप
सम्बन्धित समाचारहरु
इजरायलमा मर्मत गरेर काठमाडौं आइपुग्यो वायुसेवा निगमको जहाज
निगमद्वारा दुई वटा न्यारोबडी जहाज भाडामा लिन बोलपत्र आह्वान
निगमद्वारा क्यान्सर बिरामी तथा उनीहरूको कुरुवा ७७० जनालाई हवाई टिकटमा छुट
नेपाल वायुसेवा निगम र थाइ एयरवेजबीच ग्राउण्ड ह्याडलिङ्ग सम्झौता
नेपाल वायुसेवा निगमका कर्मचारी आन्दोलित
नेपाल वायुसेवा निगमको जहाज खरिदका विषयमा छानबिन सुरु