काठमाडौं । कृषि तथा पशुुपन्छी विकास मन्त्रालयले यसपालि धान रोपाइँको समयमा मलको अभाव हुन नदिने गरी अहिलेदेखि तयारी थालेको छ । प्रत्येक साल धान रोपाइँको समयमा मलको अभाव हुने गरेकामा यसपालिदेखि त्यस्तो हुन नदिने गरी तयारी भइरहेको कृषि सचिव डा. योगेन्द्र कार्कीले बताउनुुभयो ।
बुधबार मन्त्रालयमा सरोकारवालासँग भएको छलफलपछि पत्रकारसँग कुरा गर्दै सचिव कार्कीले धान रोपाइँको समयमा प्रयोग हुने मलका लागि अहिले नै बोलपत्र आह्वान गरी मल आयात गरेर भण्डारण गरी राख्ने तयारी भइरहेको छ ।
विगतमा धान रोपाइँ सुरु भएपछि रासायनिक मल आयात गर्न सुुरु हुन्थ्यो, त्यो मल आउँदाआउँदै रोपाइँ सकिन्थ्यो । त्यसो गर्दा मलको अभाव हुन्थ्यो । त्यो अभाव हुन नदिन अहिले नै २० हजार मेट्रिक टन युरिया मल ल्याउने बोलपत्र आह्वान भइसकेको छ अरू हुने तयारीमा छ ।
बङ्गलादेशबाट पनि फागुनको पहिलो हप्ता ५० हजार मेट्रिक टन मल आइपुुग्ने जनाउँदै सचिव डा। कार्कीले अहिले ६१ हजार मेट्रिक टन मल मौज्दात रहेको र ७० हजार मेट्रिक टन मल आउने क्रममा रहेको बताउनुभयो । रासायनिक मल बिक्री वितरणका लागि मन्त्रालयले निर्देशिका पनि जारी गरिसकेको छ ।
सोही निर्देशिकाबमोजिम प्रदेशदेखि स्थानीय तहसम्म बिक्री वितरण हुने उहाँले बताउनुुभयो । नेपालमा मलको अभाव कहिल्यै नभएको तर व्यवस्थित नहुँदा अभाव देखिएको उहाँले दाबी गर्नुभयो । गोरखापत्र दैनिकमा खबर छ ।
प्रतिक्रिया दिनुहोस
पत्रपत्रिकाबाट
विहीबार, ०१ माघ २०७७, ०८ : ३८
लेखकबाट थप
सम्बन्धित समाचारहरु
सरकारी अनुदानको मल बाटोबाटै गायब भएपछि…
रुसले अफ्रिकामा अनाज र मल आपूर्ति जारी राख्ने
‘यस वर्ष गहुँबालीका लागि रासायनिक मलको अभाव हुँदैन’
टीकापुर गौशालाबाट गोबर मल बिक्री सुरु
सहकारीमा पाइँदैन अनुदानको मल, भारतीय मलकै भरमा खेती
भारतसँग भएको जीटुजीको मल ल्याउन सरकारको आनाकानी