हलिउड अभिनेत्री तान्या रोबट्र्सको निधन

एजेन्सी । हलिउड अभिनेत्री तान्या रोबट्र्सको निधन भएको छ । उनको सोमबार राती निधन भएको समाचार एजेन्सीले जनाएका छन् ।

केही दिन पहिले उनलाई गम्भीर हालतमा अस्पताल पुर्याइएको समाचार बाहिर आएको थियो । अहिले भने उनको निधनको समाचार बाहिरिएको छ । उनी ६५ बर्षकी थिइन् । 

फक्स न्युजका अनुसार तान्याको निधनको जानकारी उनका लन्च टाइम पार्टनर ओ ब्रायनले दिएका हुन् । तान्यालाई युटीआई इन्फेक्शन समस्या रहेको थियो । यस अगाडि पनि तान्याको निधनको समाचार बाहिर आएको थियो, जतिबेला उनी भेन्टिलेटरमा थिइन् ।

तान्याको असली नाम विक्टोरिया लीग ब्लम हो । उनले मोडलिङबाट करियर सुरु गरेकी थिइन् । उनले १९७५मा हरर फिल्म ‘फोस्र्ड एन्ट्री’बाट अभिनय डेब्यु गरेकी थिइन् । उनी ‘अ भियु टु अ किल’ मा अभिनेता रोजर मुरको अपोजिटमा देखिएकी थिइन् । उनी ‘बोन्ड गर्ल’ को नामले पनि परिचिति थिइन्, जुन फिल्म १९८५ मा रिलिज भएको थियो ।

यसको अलवा उनी कमेडी ड्रामा ‘नाइट आइज मुवी’ लगायतमा देखिएकी थिइन् । उनी पछिल्लो समय २००५मा कमेडी टिभी शो बार्बरमा देखिएकी थिइन् ।