सकियो ओली प्रचण्ड भेटवार्ता, वामदेव पछि माधव नेपाल पनि पुगेका थिए खुमलटार

काठमाडौँ ।  खुमलटारमा प्रधानमन्त्री केपी शर्मा ओली र कार्यकारी  पुष्पकमल दाहाल प्रचण्डबीच भेटवार्ता सकिएको छ । 

ओली बिहान ११ बजे अध्यक्ष प्रचण्डलाई भेट्न खुमलटार पुगेका थिए । उनीहरुबीच एक घण्टा भेटवार्ता भएको छ । ओली १२ बजेपछि खुमलटारबाट बाहिरिएका छन् ।  

सुरुमा दुई नेताबीच मात्रै भेटघाट हुने भनिएपनि  उपाध्यक्ष वामदेव गौतम र बरिष्ठ नेता माधवकुमार नेपाल पनि खुमलटार पुगेका थिए । भेटवार्तामा के भयो भन्ने भने खुलिसकेको छैन ।  

ओली खुमलटार पुगेको आधा घण्टापछि गौतम पुगेका हुन् भने गौतम पुगेको आधा घण्टापछि बरिष्ठ नेता माधवकुमार नेपाल खुमलटार पुगेका हु्न् ।  

नेकपा विवाद उत्कर्षमा पुगेका बेला नेताहरुको भेटवार्तालाई अर्थपुर्ण रुपमा हेरिएको छ ।