चितवन । भरतपुर महानगर प्रमुख रेनु दाहालले चितवनका सहकारीहरु अब उत्पादनमूलक क्षेत्रमा लाग्न आवश्यक भएको बताएकी छन् ।
जिल्ला सहकारी संघको ३४ औँ वार्षिक साधारण सभाको उद्घाटन गर्दै महानगर प्रमुख दाहालले चितवनका सहकारी संस्थाहरू सक्षम र प्रतिस्पर्घी हुनपर्ने बताइन् । कार्यक्रमको प्रमुख अतिथिसमेत रहेकी दाहालले भनिन्, ‘अब सहकारीहरु हिजोको जसरी चल्न हुँदैन, बचत गर्ने, ऋण दिन यसमा मात्र सहकारीहरु सीमित हुन हुँदैन । सहकारीहरु पनि उत्पादनमूलक क्षेत्रमा लाग्नुपर्छ । रोजगारी सिर्जनामा, विपन्नहरुको जीवनस्तर उकास्नमा सहकारीहरु लाग्नुपर्छ ।’
जिल्ला सहकारी संघको सभाहलमा भएको सो कार्यक्रममा प्रमुख दाहालले भरतपुर महानगरपालिकाभित्र सञ्चालित सबै खालका सहकारी संस्थाहरूको विधिसम्बत् ढंगले चल्नुपर्ने बताइन् । उनले भनिन्, ‘महानगरको तर्फबाट पनि सहकारीहरुको नियमन र अनुगमन भइरहेको छ ।’
उनले सहकारीहरूलाई संस्थागत ढंगले अगाडि बढाउन विभिन्न अनुदान तथा संस्थागत क्षमता बृद्धिका लागि सहयोग गरिरहेको बताइन् । प्रमुख दाहालले सहकारीहरू मर्जमा जानुपर्ने पनि बताइन् । उनले भनिन्, ‘साना साना सहकारीहरु जो नजिकनजिक छन्, जसको उद्देश्य एउटै छ त्यस्ता सहकारीहरु मर्जमा जान नै उपयुक्त हुन्छ ।’
कुल ग्राहस्थ उत्पादन र उत्पादकत्व बढाउन सहकारीको भूमिका महत्वपूर्ण रहेको उनको भनाइ थियो । प्रमुख दाहालले सहकारी क्षेत्रलाई यसलाई अझै व्यवस्थित बनाएर घर घरमा रोजगारी सृजना गर्ने काममा केन्द्रित हुन सहकारी संघसंस्थाहरूलाई आग्रह गरिन्। उनले भरतपुर महानगरपालिकाको तर्फबाट सहकारीको विकासमा सधैँ सहयोग भइरहने बताइन् ।
कार्यक्रममा सहकारी अभियन्ता तथा नपाल कम्युनिष्ट पार्टी नेकपाका नेता तेजेन्द्रबहादुर खड्का, नेफस्कुनका नवराज सापकोटा लगायतले सहकारी आन्दोलन र यसका समस्याहरूको बारेमा आफ्नो धारणा राखेका थिए ।
जिल्ला सहकारी संघका अध्यक्ष हरिप्रसाद पौडेलको अध्यक्षतामा भएको कार्यक्रममा वार्षिक प्रगति प्रतिवेदन र आयव्यय प्रतिवेदन प्रस्तुत गरेका थिए । अध्यक्ष पौडेलले वार्षिक प्रगति प्रतिवेदन पेस गरेका थिए । कार्यक्रममा लेखा समितिका संयोजक चेतन सेढाईले संघको वार्षिक आय व्यय प्रतिवेदन प्रस्तुत गरेका थिए ।
प्रतिक्रिया दिनुहोस
सफल खबर संवाददाता
शुक्रबार, २६ मंसिर २०७७, १४ : ४०
लेखकबाट थप
सम्बन्धित समाचारहरु
५ सय सहकारी सङ्कटमा
सहकारी पीडितले आज काठमाडौँमा प्रदर्शन गर्ने
तीन सहकारीका बचतकर्तालाई आफ्नो पैसा दाबी गर्न सरकारको आह्वान
झापामा सहकारीको ७० अर्ब पुँजी परिचालन
सहकारीमार्फत करोडौँ गाउँ भित्र्याउँदै महिला
१० करोडभन्दा बढी रकम कारोबार गर्ने सहकारीलाई कडा नियम