राष्ट्रपतिद्वारा दुई वटा अध्यादेश स्वीकृत

काठमाडौँ । राष्ट्रपति विद्यादेवी भण्डारीले आइतबार दुई अध्यादेश स्वीकृत गरेकी छिन् ।

मन्त्रिपरिषद्को सिफारिसमा राष्ट्रपतिले यौन हिंसा विरुद्धको केही ऐनलाई संशोधन गर्ने अध्यादेश–२०७७ र सामाजिक सुरक्षा (पहिलो संशोधन) अध्यादेश–२०७७ स्वीकृत गरेकी हुन् ।

राष्ट्रपतिले संविधानको धारा ११४ को उपधारा १ बमोजिम अध्यादेश स्वीकृत गरेको राष्ट्रपति कार्यालयले जारी गरेको विज्ञप्तिमा उल्लेख छ ।