रक्सी सेवन गरि एक आपसमा कुटाकुट गर्दा एकजनाको मृत्यु

रौतहट । रक्सी सेवन गरेका दुई व्यक्ति बिच आपसमा विवाद भई कुटाकुट हुँदा एकजनाको मृत्यु भएको छ ।  सोमबार राति रौतहटमा घटेको यो घटनामा एक व्यक्तिले अर्को व्यक्तिलाई धकेल्दा उपचारको क्रममा  एकजनाको मृत्यु भएको हो ।  दुवैजना छिमेकी हुन् । 

वृन्दावन नगरपालिका –७ सखुवा धमौराका १९ वर्षका विकास पासवानले रक्सी सेवन गरेर कुटपिट गरि धकेल्दा छिमेकी ५० वर्षका अमिरि पासवानको मृत्यु भएको प्रहरीले जनाएको छ ।

राति रक्सी सेवन गरेर घर जाने क्रममा विकासले अमिरिलाई गालीगलौज गर्दा झगडा भएको थियो । झगडाको क्रममा विकासले कुटपिट गरि धकेल्दा अमिरिको टाउकोमा चोट लागेको थियो ।

उनको उपचारको क्रममा राति नै गरुडा स्थित सिटी अस्पतालमा मृत्यु भएको रौतहटका प्रहरीले जनाएको छ । कुटपिटमा संलग्न विकास पासवान र बिन्द पासवानलाई प्रहरीले पक्राउ गरेको छ ।