आफैँले सेक्युरिटी दिएको उद्योगबाट ९७ लाख चोरी, लगत्तै पक्राउ

चितवन । भरतपुर–९ काँडाघारीमा रहेको एपोलो पेन्ट्स उद्योगबाट ९७ लाख नगद चोरी भएको छ । 

एपोलो पेन्ट्स प्रालिको भवनको कोठा भित्र रहेको सेफ (लकर) फुटाई ९७ लाख नगद चोरी गर्ने चितवन कालिका नगरपालिका वडा नं ६ बस्ने वर्ष ४० को कविराज थापालाई चितवन प्रहरीले पक्राउ गरेको छ। सोही एपोलो पेन्ट्स कम्पनीमा सेक्युरिटी गार्डको रूपमा काम गर्ने थापाले चोरी गरेको प्रहरी जनाएको छ ।

उनले आफ्नो घर, कोठा, शौचालय र कम्पाउण्डका विभिन्न स्थानमा लुकाएर राखेको अवस्थामा उक्त रकम बरामद गरेको प्रहरीले जनाएको छ। चोरी कार्यमा संलग्न व्यक्तिलाई चितवन जिल्ला अदालतबाट पक्राउ अनुमति लिई चोरी कसुरअन्तर्गत आवश्यक अनुसन्धान कार्य भइरहेको प्रहरीको भनाइ छ ।