चितवनमा कौडा खेलिरहेको २४ जना प्रहरी फन्दामा

चितवन । चितवन प्रहरीले कौडा खेल्ने २४ जनालाई पक्राउ गरेको छ । ईलाका प्रहरी कार्यालय गीतानगरको टोलीले भरतपुर महानगरपालिका–५ कैलाशनगरबाट कौडा खेलिरहेका २४ जनालाई पक्राउ गरेको हो । कौडा खेल्नेहरुबाट पाँच लाख १७ हजार १७५ रुपैयाँ चितवन प्रहरीले बरामद गरेको छ । 

ईलाका प्रहरी कार्यालय गीतानगरको टोलीले  भरतपुर महानगरपालिका–५ कैलाशनगरस्थित कुखुराको खाली खोरमा कौडा खेलिररहेको अवस्थामा २४ जना पुरुषलाई पक्राउ गरेको हो ।  १६ थान कौडा समेत प्रहरीले नियन्त्रणमा लिएको छ ।