झापाको बिर्तामोडमा कोरोना संक्रमणबाट थप दुईजनाको मृत्यु

झापा । झापाको बिर्तामोडमा कोरोना भाइरसको संक्रमणबाट  थप दुई जनाको मृत्यु भएको छ । बिर्तामोड नगरपालिका वडा नं ४ मा ९२ वर्षीय बृद्धको सोमबार बिहान ४ बजे मृत्यु भएको हो ।

एक साताअघि ती बृद्धको घरमै स्वाब संकलन गरेर पिसिआर परीक्षण गर्दा कोरोना पोजिटिभ देखिएको थियो । त्यस्तै बिर्तामोडकै बिएण्डसी अस्पतालमा थप एकजना कोरोना संक्रमितको मृत्यु भएको छ । मृत्यु हुनेमा तेह्रथुम जिल्लाका ५८ वर्षीय पुरुष रहेका छन्। उनको राति ९ः१५ बजे उपचारका क्रममा मृत्यु भएको अस्पतालले जनाएको छ ।