आज दिनभरको मौसम कस्तो रहला ?

काठमाडौँ । जल तथा मौसम पूर्वानुमान महाशाखाले आईतबारमुलुकका केही पहाडी भूभागमा आंशिक बदली भए पनि देशभर  मौसम सफा रहने  जनाएको छ ।

मौसमविदहरुका अनुसार प्रदेश १, बागमती प्रदेश, गण्डकी प्रदेश, लुम्बिनी प्रदेश तथा कर्णाली प्रदेशका पहाडी भूभागमा आंशिक बदली हुने छ भने अन्य भूभागमा मौसम सामान्यतया सफा रहने छ ।

सोमबार राति पनि प्रदेश १ र कर्णाली प्रदेशको पहाडी भूभागमा आंशिक बदली रही अन्य भूभागमा मौसम सामान्यतया सफा रहने महाशाखाले जनाएको छ । महाशाखाका अनुसार हाल नेपालमा कुनै उल्लेखनीय मौसमी प्रणाली रहेको छैन् ।