डेढ वर्षको छोरासहित राप्तीमा हाम्फालेकी आमाको उद्धार

सफल खबर संवाददाता

शुक्रबार, ३० असोज २०७७, १५ : ४५
डेढ वर्षको छोरासहित राप्तीमा हाम्फालेकी आमाको उद्धार

चितवन । डेढ वर्षको छोरासहित राप्तीमा हाम्फालेकी आमाको सकुशल उद्धार गरिएको छ । भरतपुर २२ पटिहानी बोटे टोलकी ३५ वर्षकी हेमन्ती बोटे आज डेढ वर्षको छोरोसहित राप्तीमा हाम्फालेकी थिइन् ।

डेढ वर्षको छोरासहित आमा राप्तीमा हाम्फालेको खबर पाएपछि चितवनको गीतानगर इलाका प्रहरी कार्यालयबाट खटिएको प्रहरीले आमा हेमन्तीको उद्दार गरेको थियो । उद्धार भएको ठाउँदेखि दुई किलोमिटर तल डेढ वर्षको छोरोको शव फेला परेको प्रहरीको भनाइ छ । प्रहरीले हेमन्ती बोटेलाई नियन्त्रणमा लिएर अनुसन्धान गरेको छ । नदीमा हाम्फाल्नुको कारण प्रहरीले फेला पार्न सकेको छैन ।