चीन । चीनले पाँच दिनको अवधिमा चिङ्दाओ सहरका सबै ९० लाख मानिसको पीसीआर परीक्षण गर्ने भएको छ । कोरोना भाइरस ९कोभिड–१९० संक्रमितको उपचार भइरहेको अस्पतालबाट संक्रमण फैलिएको देखिएपछि पूरै सहरका मानिसको परीक्षण गर्न लागेको अधिकारीहरूले जनाएका छन् ।
चीनका अधिकांश स्थानमा भने हाल संक्रमण नियन्त्रणमा आइसकेको छ । तर विश्वका अन्य देशहरूमा भने संक्रमणले महामारीको रूप लिएको छ भने कतिपय देशमा प्रतिबन्धहरू कायम छन् । युरोपका केही देशमा दोस्रो लहरको संक्रमण फैलिएको जनाइएको छ ।
चिङ्दाओ नगरको स्वास्थ्य आयोगले सामाजिक सञ्जालमा विज्ञप्ति सार्वजनिक गर्दै ६ जना लक्षणसहितका र ६ जना लक्षणविहीन संक्रमितहरू भेटिएका पुष्टि गरेको छ ।
चिनियाँ सरकारी सञ्चार माध्यम ग्लोबल टाइम्सका अनुसार ती सबै संक्रमितको सम्बन्ध स्थानीय अस्पतालसँग भेटिएको हो । संक्रमितको संख्या निकै कम भए पनि चीन सरकारले सहरका सबै बासिन्दाको परीक्षण गर्ने रणनीति बनाएको खबर कान्तिपुर दैनिकमा छापिएको छ।
प्रतिक्रिया दिनुहोस
पत्रपत्रिकाबाट
मंगलबार, २७ असोज २०७७, ०८ : ३७
लेखकबाट थप
सम्बन्धित समाचारहरु
सुदूरपश्चिममा कोरोना संक्रमणको जोखिम बढ्दै
थप ६ जनामा कोरोना संक्रमण
थप २१ जनामा कोरोना संक्रमण पुष्टि
थप १७ जनामा कोरोना संक्रमण
थप ५१ जनामा कोरोना संक्रमण पुष्टि