अवैध क्रियाकलापको आशंकामा भक्तपुरका ३ गेष्ट हाउसमा प्रहरीको छापा, १३ जना पक्राउ

सफल खबर संवाददाता

आइतबार, २५ असोज २०७७, १० : १६
अवैध क्रियाकलापको आशंकामा भक्तपुरका ३ गेष्ट हाउसमा प्रहरीको छापा, १३ जना पक्राउ

काठमाडौं । भक्तपुरका तीनवटा गेष्ट हाउसमा  प्रहरीले छापा मारेको छ । गेष्ट हाउसमा अवैध क्रियाकलाप हुने गरेको सुचनाको आधारमा छापा मारेको प्रहरीले जनाएको छ । छापाको क्रममा प्रहरीले संचालक सहित १३ जनालाई पक्राउ गरेको महानगरीय प्रहरी वृत थिमिले जनाएको छ ।

Yeti Diistillery Tansen Cement box

भक्तपुरमा रहेका सुनकोशी गेष्ट हाउस, सनसाईन गेष्ट हाउस र बालकुमारी गेष्ट हाउसमा प्रहरीले छापा मारेको हो । सुनकोशीबाट सञ्चालक कमल गिरीसहित रमेश घजु र २० वर्षीया युवतीलाई प्रहरीले पक्राउ गरेको छ ।

सनासईन गेष्ट हाउसबाट सञ्चालक दिलध्वज खड्का सहित दुई महिला र दुईजना पुरुषलाई पक्राउ गरिएको छ । बालकुमारी गेष्ट हाउसका सञ्चालक कालिकोट घर भएका नरेश बोगटीसहित चार महिला र अर्का एकजना पुरुषलाई प्रहरीले नियन्त्रणमा लिएको छ ।

गेष्ट हाउसमा महिला राखेर असामाजिक क्रियाकलाप गरेको हुनाले उनिहरुलाई पक्राउ गरिएको महानगरीय प्रहरी वृत थिमिका डिएसपी ऋषिराम कँडेलले बताए । प्रहरीका अनुसार  अनुसन्धान भईरहेको छ, गैरकानुनी काम ठहरिए कानुन बमोजिक गेष्ट हाउस संचालकलाई कारवाही हुन्छ ।’

प्रतिक्रिया दिनुहोस