विराटनगरमा उपचारको क्रममा थप २ जना कोरोना संक्रमितको मृत्यु

मोरङ ।  विराटनगरस्थित नोबेल मेडिकल कलेजमा उपचाररत दुईजना कोरोना संक्रमितको मृत्यु भएको छ । अस्पतालका अनुसार मृतक दुबैजना सुनसरीका हुन् ।

शनिबार राति हरिनगर गाँउपालिका ४ का ७१ वर्षीय वृद्ध र दुहबी ३ की ४० वर्षीया महिलाको उपचारका क्रममा मृत्यु भएको हो । श्वासप्रश्वासमा समस्या देखिएसँगै असोज २१ गते ७१ वर्षीय वृद्धलाई अस्पतालमा भर्ना गरिएको थियो ।

उनमा कोरोना परीक्षण गर्दा पोजिटिभ रिपोर्ट आएको थियो । फोक्सो सम्बन्धी समस्या भएका उनको शनिबार राति १०ः१५ बजे मृत्यु भएको हो । त्यसैगरि असोज २० गते अस्पतालमा भर्ना भएकी सुनसरीको दुहबी ३ की महिलाको पनि उपचारका क्रममा मृत्यु भएको छ । उनको पनि कोरोना रिपोर्ट पोजेटिभ आएको थियो । उनको शनिबार राति ११ बजे मृत्यु भएको हो ।