युवा नेता गगन थापाको परिवारका अन्य सदस्यमा पनि कोरोना संक्रमण

काठमाडौं । नेपाली कांग्रेसका केन्द्रीय सदस्य गगन थापालाई कोरोना संक्रमण देखिएको ३,४ दिन नबित्दै परिवारका अन्य सदस्यमा पनि  संक्रमण पुष्टि भएको छ । 

असोज १७ गते कोरोना संक्रमण पुष्टि भएका नेता थापाका बुवा, आमा र काकामा पनि कोरोना संक्रमण पुष्टि भएको हो । उनका सहयोगीका अनुसार बुवा महेन्द्रकुमार थापा, आमा रामेश्वरी थापा र शैलेन्द्रकुमार थापाको पीसीआर परीक्षण नतिजा पोजेटिभ आएको पुष्टि गरेका छन् । संक्रमित सबैको रिपोर्ट सोमबार आएको हो ।