अमेरिकी राष्ट्रपति ट्रम्प अस्पताल भर्ना

एजेन्सी । अमेरिकी राष्ट्रपति डोनाल्ड ट्रम्प अस्पताल भर्ना भएका छन् । 

कोरोना भाइरस पोजिटिभ देखिएको २४ घण्टा नपुग्दै उनलाई ह्वाइट हाउसबाट हेलिकोप्टरमार्फत अस्पताल लगिएको हो।
।

ह्वाइट हाउसले वक्तव्य जारी गर्दै उनलाई सावधानी अपनाउँदै वाल्टर रिड नेशनल मिलिटरी मेडिकल सेन्टर लग्ने निर्णय गरिएको जनाएको छ। यसअघि ट्रम्पले शुक्रबार ट्विट गर्दै आफू र पत्नी मेलानिया ट्रम्पको कोरोना जाँच पोजिटिभ आएको जनाएका थिए । 

ट्रम्प आफ्नो हेलिकोप्टर मरिन वानबाट अस्पताल गएका हुन् । हेलिकोप्टर चढ्न उनी ह्वाइट हाउसबाहिर चउरमा निस्कँदा मास्क र सुट लगाएका थिए । उनले त्यहाँ जम्मा भएका रिपोर्टरलाई हात उठाएर अभिवादन गरे पनि कुनै प्रतिक्रिया जनाएनन् ।

उनलाई मध्यम प्रकारका लक्षण देखिएको पनि सूचनामा जनाइएको थियो । सीबीएस न्युजका अनुसार उनलाई हल्का ज्वरो आएको छ ।