अमेरिकी राष्ट्रपति ट्रम्प दम्पत्ती कोरोना संक्रमित

एजेन्सी । अमेरिकी राष्ट्रपति डोनाल्ड ट्रम्प र उनकी पत्नी मेलानियामा कोरोना संक्रमण पुष्टि भएको छ । ट्रम्पले यसको जानकारी ट्विटरमार्फत दिएका छन् ।

ट्रम्पले ट्वीट गर्दै भनेका छन्–‘हामी कोरोना पोजेटिभ देखिएका छांै र क्वारेन्टाईनमा छौं, चाँडै संक्रमणुमुक्त हुन्छौं । ट्रम्पका वरिष्ठ सल्लाहकार मध्येकी एक होप हिक्समा कोरोना संक्रमण देखिएपछि राष्ट्रपति ट्रम्प र उनकी पत्नी मेलानियाको पनि कोरोना परीक्षण गरिएको थियो ।

पछिल्ला दिनहरुमा होपले चुनावी अभियानका क्रममा ट्रम्पसँग नजिक भएर काम गरेकी थिइन्। ओहायोमा भएको टेलिभिजन बहसमा ट्रम्प सहभागी हुन जाँदा हिक्स एयर फोर्स वानमा उनीसँगै थिइन्।