भिडियोमा राष्ट्रिय झन्डा जलाउने एक जना पुर्पक्ष थुनामा

काठमाडौँ । म्युजिक भिडियोमा नेपालको राष्ट्रिय झण्डा जलाउने एक जनालाई पुर्पक्षको लागि थुनामा पठाइएको छ । झन्डा जलाएको आरोपमा जिल्ला अदालत काठमाडौँले एक जनालाई पुर्पक्ष थुनामा र आठ जनालाई रिहा गरेको छ । 

आइतबार जिल्ला न्यायाधीश विनोदकुमार पोखरेलको इजलासले मुख्य अभियुक्त ग्याल्जेन दोर्जे तामाङलाई थुनामा पठाएको हो । अन्य तीन जनालाई प्रतिव्यक्ति १५ हजार धरौटी र पाँच जनालाई साधरण तारिखमा छाड्न आदेश दिएको छ । 

भदौ १ गते झण्डा जलाएको म्युजिक भिडियो सार्वजनकि भएपछि प्रहरीले उक्त घटनामा संलग्न नौजनालाई पक्राउ गरेको थियो । 
प्रहरीले उनीहरुविरुद्ध मुलुकी अपराध संहिता २०७४ को दफा १५१ अनुसार तीन वर्षसम्म कैद वा तीन हजार रुपैयाँसम्म जरिवाना वा दुवै सजाय माग गर्दै मुद्दा दायर गरेको थियो।