चितवन । कृषि प्रधान देशमा ५ केजी मलका लागी रातभरी लाईन बस्नु पर्ने किसानको कुरा सुन्यौं भने आश्चर्य लाग्न सक्छ, तर आश्चर्य नमान्नुस, यस्तै घटना चितवनमा घटित भएको छ ।
कोरोनाका यस्तो महामारीका बेला पनि रोगको प्रवाह नगरी ५ केजी मलका लागी १ दिन अगाडी देखी किसान लाईनमा बस्न बाध्य भए । देशको प्रमुख बाली धान बालिका लागी रासायनिक मल समयमै राज्यले उपलब्ध गराउन नसक्दा किसानहरु पिडा खेप्न बाध्य भएसँगै देशमा मलको निकै ठुलो हाहाकार भएको छ ।
मन्त्री नबन्दा सम्म आफैले पृथ्वी धानेजस्तो गरी बढो चर्का भाषण गर्ने मन्त्री बनेपछी अघाएको सिहं गुफामा लम्पसार परेजस्तो गरी गुफा भित्रै रुमलिने कृषि मन्त्री र तिनको मन्त्रालयले यो दृश्य देखेपछि के के भन्छ भनोस तर किसान ५ केजी मलका लागी एक दिन अगाढी देखी लाईनमा छन् । त्यो पनि नेपालको पहिलो सहकारी बखान सहकारीको अगाडी यो अन्धकार रातमा ।
चितवनको भरतपुर महानगरको १९ नम्वर वडा शारदानगरमा रहेको यो सहकारीले भोलि किसानका लागी मल बितरण गर्ने बताएपछि किसान साझ देखी लाईनमा बसेका स्थानिय बासिन्दा राजु गुरुङंले बताए । कृषि प्रदान देशमा यस्तो हालत हुनु निकै दुख र पिडाको कुरा भएको स्थानिय अगुवा गुरुङको भनाई छ ।
शुक्रबार बिहान वितरण गर्ने मलका लागि किसानहरु बिहिबार राति देखि नै छिमेकी र गाँउलेहरु सहकारीको अगाडी रोग, भोक, वर्षा, केही नभनी रातभरि जाग्राम बसे । नेपालमा सहकारीको सुरुवात गर्ने सबैका प्रेरणाका स्रोत बखान सिहं गुरुङले निर्माण गरेका सहकारी अगाडी यसरी २,४ केजी मलका लागि रातभरि जाग्राम बस्दा किसानहरु राज्य, व्यवस्था प्रति निकै आक्रोशित बनेका छन् ।
प्रतिक्रिया दिनुहोस
प्रकाश सिग्देल
शुक्रबार, २६ भदौ २०७७, ०७ : ५८
लेखकबाट थप
सम्बन्धित समाचारहरु
सरकारी अनुदानको मल बाटोबाटै गायब भएपछि…
रुसले अफ्रिकामा अनाज र मल आपूर्ति जारी राख्ने
‘यस वर्ष गहुँबालीका लागि रासायनिक मलको अभाव हुँदैन’
टीकापुर गौशालाबाट गोबर मल बिक्री सुरु
सहकारीमा पाइँदैन अनुदानको मल, भारतीय मलकै भरमा खेती
भारतसँग भएको जीटुजीको मल ल्याउन सरकारको आनाकानी