नेपाली काँग्रेसमा उमेरले ६० कटेका यी १२ जनाको हालीमुहाली...

काठमाडौं । नेपाली कांग्रेसका सभापति शेरबहादुर देउवा गृहमन्त्री बन्दा ४५ वर्षका थिए । ०५१ को मध्यावधि निर्वाचनपछि बनेको तत्कालीन एमाले नेतृत्वको सरकार ९ महिनामै ढलेपछि उनी प्रधानमन्त्री बने । त्यति बेला उनको उमेर ४८ वर्ष थियो । राजनीतिक क्षेत्रमा लाग्नेहरूका लागि आफ्नो ‘करिअर’ को सबैभन्दा उच्चतम आकांक्षा नै मुलुकको कार्यकारी प्रमुख बन्नु हो ।

त्यो उपलब्धि देउवाले साढे दुई दशकअघि नै हासिल गरिसकेका हुन् । केही अपवादबाहेक विकसित मुलुकमा कार्यकारी प्रमुख भएर हटेपछि राजनीतिबाट अवकाश लिने प्रचलन छ । देउवा यसबीचमा चारपटक प्रधानमन्त्री बने । एकपटक विभाजित र एकपटक सिंगो कांग्रेसको सभापति भए । उमेरले समेत ७५ वर्ष पुगिसकेका उनी राजनीतिक विश्राम लिन भने अझै तयार छैनन् । 

आजको कान्तिपुर दैनिकका अनुसार उनीसहित १२ नेता  ६० वर्षमाथिका छन् । पार्टीभित्र युवा नेतृत्वको बहस भएपनि सभापतिमा आकाँक्षी हरु पनि वृद्धैवृद्ध रहेको समाचारमा उल्लेख छ । जसमा देउवासहित रामचन्द्र पौडेल, विमालेन्द्र निधि, विजयकुमार गच्छदार, शशांक कोइराला, कृष्ण प्रसाद सिटौला, गोपाल मान श्रेष्ठ, पूर्णबहादुर खड्का, रामशरण महत, अर्जुन नरसिंह केसी, शेखर कोइराला, प्रकाशशरण महत रहेका छन् ।