वीरगन्जमा कोरोना संक्रमित एक बृद्धको मृत्यु

वीरगञ्ज । वीरगन्जमा उपचारको क्रममा थप एक जना पुरुषको कोरोना संक्रमणका कारण मृत्यु भएको छ । कोरोना संक्रमणका कारण पकहा मैनपुर गाउँपालिका २ निवासी ७५ वर्षका बैजनाथ महतोको मृत्यु भएको नारायणी अस्पतालका डाक्टर अतुलेश चौरसियाले जानकारी दिए ।

संक्रमितको उपचारको क्रममा शुक्रबार राति साढे ११ बजे मृत्यु भएको हो । भदौ ५ गते उनमा कोरोना संक्रमण पुष्टि भएपछि कोरोना अस्पताल गण्डकमा उपचारको लागि भर्ना भएका थिए । उनी निमोनियाले ग्रसित थिए।