चार दिनपछि संक्रमितको शव उठ्यो

विराटनगर । चार दिनपछि संक्रमितको शव उठेको छ । कोरोना संक्रमणका कारण ज्यान गुमाएका एक व्यक्तिको शव स्थानीय प्रशासनले चार दिनपछि उठाएको छ । न्यूरो अस्पताल विराटनगरमा मंगलबार राति मृत्यु भएका महोत्तरीका पुरुषको शव शनिबार दिउँसो स्थानीय प्रशासनले उठाएको हो ।

आफन्त र परिवारका सदस्य सम्पर्कमा नआउनुका साथै महोत्तरी प्रशासनले चासो नदिँदा मंगलबार राति ११ बजेतिर मृत्यु भएका ६१ वर्षीय पुरुषको शव अस्पतालमा नै अलपत्र परेको थियो ।