भारतको उत्तर प्रदेशमा पत्रकारको हत्या

एजेन्सी

मंगलबार, ०९ भदौ २०७७, १३ : १६
भारतको उत्तर प्रदेशमा पत्रकारको हत्या

एजेन्सी ।  भारतको उत्तर प्रदेशको बालिया जिल्लामा सोमबार पत्रकारको हत्या भएको छ । बालिया जिल्लाको फेपना गाउँका पत्रकार रतन सिंहको उनको निवासमै सोमबार साँझ हत्या भएको प्रहरीले जनाएको छ । 

प्रहरीले उनको हत्याको बारेमा अनुसनधान शुरु भएको पनि जानकारी दिएको छ । प्रहरीले गरेको प्रारम्भिक अनुसन्धानबाट ती पत्रकार र सोही गाउँका केही व्यक्तिबीचको पुरानो रिसइबीका कारण हत्या भएको हुनसक्ने अनुमान गरिएको बताएको छ ।

हत्या गरिएका पत्रकारका पिताले भने सोही गाउँका प्रमुख झबर सिंहले आफ्नो छोराको हत्या गरेको बताएका छन् । उनले तिनै गाउँले प्रमुखले नै यसअघि आफ्नो जेठो छोराको पनि हत्या गरेका बताएका छन् । बालिया जिल्लाका प्रहरी प्रमुख देवेन्द्रनाथले हत्यामा संलग्न जो सुकैलाई पनि कानुनी कारबाही गरिने बताए । (एएनआई)

प्रतिक्रिया दिनुहोस