बलिवुड अभिनेता सुशान्तको आत्महत्या प्रकरण : रिया चक्रवर्ती र महेश भट्ट तानिए चर्चामा

एजेन्सी । बलिउड अभिनेता सुशान्त सिंह राजपूतको आत्महत्याको घटना अहिलेसम्म सेलाएको छैन । उनको आत्महत्याको केस अनुसन्धानको लागि गत बुधबार सीबीआईलाई जिम्मा दिइएको छ । 

आत्महत्या प्रकरणको छानबिनका लागि सीबीआईको विशेष अनुसन्धान टिम (एसआईटी) मुम्बई पुगेको छ । सुशान्तको आत्महत्या प्रकरणमा रिया चक्रवर्ती र फिल्म निर्माता महेश भट्ट पनि चर्चामा तानिएका छन् । 

उनीहरुको ह्वाट्सएममा भएको कुराकानी पनि सामाजिक सञ्जालमा भाइरल भएको छ । उनीहरुबीच २०१८ मा मजबुत सम्बन्ध थियो । यसै वर्ष रियाले महेश भट्ट उनको जीवनमा निकै महत्त्व राख्ने बताएकी थिइन् । 

रिया चक्रवर्तीले महेश भट्टसँगको सम्बन्धको बारेमा धेरै पटक खुलासा गरेकी छिन् । सन् २०१९ मा महेश भट्टको ७० औं जन्मदिनमा गोप्य तस्बिर शेयर गरेकी थिइन् । 

उनले तस्बिरमा लेखेकी थिइन्, ‘मेरो बृद्धा जन्मदिनको शुभकामना । सर, तपाईँले मलाई मायाले सम्हाल्नुभयो । तपाईंले मलाई माया दिनुभयो । तपाईंले मलाई उड्नलाई पखेटा दिनुभयो ।’ उनी यो पोष्ट्पछि ट्रोलको शिकार भएकी थिइन् । 

भाइरल भएपछि रियाले तस्बिर शेयर गर्दै उनले फिल्म ‘अमर प्रेम’ को एउटा गीत, ‘तिमी को हौँ रु तिम्रो नाम के हो रु सीता पनि यहाँ बदनाम भइन् ।’ लेखेकी थिइन् । यसका साथै,  रियाले ट्रोलले निकै चिन्तित भएको खुलासा गरेकी थिइन् । उनले महेश भट्टसँग बाबु र छोरीको सम्बन्ध भएको खुलासा गरेकी थिइन् ।