लिदी पहिरो : २४ जनाको शव भेटियो, अझै १५ जना बेपत्ता

सिन्धुपाल्चोक । सिन्धुपाल्चोकको जुगल गाउँपालिका वडा नं २ लिदीमा शुक्रबार गएको पहिरामा पुरिएका थप दुई जनाको शव भेटिएको छ ।

आज ७२ वर्षीया श्रीमाई दोङ र ८७ वर्षीया धनलक्ष्मी दोङको शव भेटिएको इलाका प्रहरी कार्यालय जलवीरेका प्रहरी निरीक्षक हरि भट्टराईले जानकारी दिए । 

यससँगै उक्त पहिरोमा पुरिएर मृत्यु हुनेको संख्या २४ पुगेको छ । पहिरोमा अझै १५ जना बेपत्ता रहेका छन् । 

उनीहरुको नेपाली सेना, नेपाल प्रहरी र सशस्त्र प्रहरी बलद्वारा खोजी भइरहेको छ । पानी परि रहेकोले खोजीमा कठिनाइ भएको बताइएको छ ।