कालीकोटमा पहिरो : एकै परिवारका ४ सहित ६ जनाको मृत्यु

काठमाडौँ । कालीकोटमा पहिरोमा पुरिएर ६ जनाको मृत्यु भएको छ । प्रहरीका अनुसार कालिकोटको महाबै गाउँपालिका वडा नम्बर ३ नकुमा पहिरो जाँदा पुरिएर ६ जनाको मृत्यु भएको हो ।

अविरल वर्षासँगै खसेको पहिरोले वडा सदस्य रजबहादुर विष्टको घर पुरिँदा ६ जनाको मृत्यु भएको प्रहरीले जनाएको छ ।
पहिरोमा पुरिएका मृतकहरुको शव शुक्रबार बिहान निकालिएको जिल्ला प्रहरी कार्यालय कालीकोटले जनाएको छ । 

मृतकहरु मध्ये चारजना विष्ट परिवारका सदस्य र दुई जना छिमेकी रहेको बताईएको छ । २, ३ दिन यता कालिकोट लगायतका क्षेत्रमा अविरल वर्षा भएको थियो ।