रुपन्देहीमा कार दुर्घटना हुँदा ३ जनाको मृत्यु

भैरहवा । रुपन्देहीमा कारण दुर्घटना हुँदा ३ जनाको मृत्यु भएको छ । प्रहरीका अनुसार परासीबाट भैरहवातर्फ आउँदै गरेको कार शुक्रबार राति ११ बजेतिर अनियन्त्रित भई पल्टिदा ३ जनाको मृत्यु भएको हो। 

भैरहवा परासी सडकखण्डको रुपन्देही रोहिणी गाउँपालिका वडा नम्बर ४ छिपागड स्थित हुलाकी सडक खण्डमा लु २ च ६७५६ नम्बरको कार दुर्घटनामा परेको प्रहरीले जनाएको छ। प्रदेश ५ ट्राफिक प्रहरी कार्यालयका अनुसार  कार सडकबाट १० मिटर तल खसेको छ ।

उक्त कारमा सवार ४ जना घाइतेहरूलाई उपचारको लागि भिम अस्पताल भैरहवा पठाएकोमा उपचारको क्रममा ३ जनाको मृत्यु भएको प्रदेश ५ ट्राफिक प्रहरी कार्यालय बुटवलले  जनाएको छ । मृतक मध्ये एक जनाको मात्र पहिचान खुलेको छ। मृत्यु हुने रुपन्देही ओमसतिया गाउँपालिका– ४ बालापुरका २६ को देवेन्द्र चौधरी रहेका छन। मृतक दुई जनाको परिचय खुल्न बाँकी रहेको छ।